Komisioneri Shtetëror i Zgjedhjeve, Ilirjan Celibashi deklaroi se në datën 11 janar 2025 do të fillojë procesi i regjistrimit të votuesve nga jashtë. Ky proces do të mbyllet në 11 mars 2025.
“Dua të konfirmoj se Procesi i përgatitjes të votimit nga jashtë ka shkuar në përputhje me parashikimet e kodit zgjedhur, përfshi këtu edhe në kuptim të afateve që ky kod ka përcaktuar për aspekte të ndryshme të karakterit normativ apo organizativ të votimit nga jashtë. Komisioni rregullator në KQZ ka miratuar të gjitha aktet kryesore normuese me qëllim realizimin e votimit nga jashtë. Kemi miratuar aktin që ka të bëjë me regjistrimin, me përgatitjen e listës së zgjedhësve, kemi miratuar aktin që ka të bëjë me vërtetimin e adresës së votuesit nga jashtë. Kemi miratuar rregullat për procedurën e votimit nga jashtë. Jemi drejt finaliozimit të ndërtimit të platformës së regjistrimit. Besoj që para krishtlindjeve do të kemi një demonstrim të funksionaliteteve të këtij sistemi me qëllim që më 11 janar kjo platformë të jetë funksionale dhe të fillojë procesi i regjistrimit të votuesve nga jashtë”, tha Celibashi.
Zgjedhjet do të mbahen në 11 maj të vitit 2025.
