Kryeministri Edi Rama ka nisur prezantimin e pr/buxhetin 2025.
Në nisje të fjalës së tij, Rama njoftoi se në ditët në vijim, do të lëvrohet fondi prej 100 milionë eurosh për pensionistet. Dhe konkretisht, pensionistët që kanë një pension deri në 200 mijë lekë të vjetra do të shpërblehen me 150 mijë lekë.
Ndërsa ata që kanë mbi 200 mijë lekë do të shpërblehen me 100 mijë lekë të vjetra.
Kreu i qeverisë u shpreh se përveç bonusit të fundvitit, do të ketë edhe bonus që do të jepet çdo fillim pranvere për pensionistët dhe për kategorinë që përfiton.
“Paralelisht me shpërndarjen e bonusit në ditët e dhjetorit ne do të krijojmë pranë bankës së Shqipërisë fondin e një bonusi të dytë. Ky do të jetë bonusi i pranverës, që do të ndikojë në rritjen vjetore të pensionistëve dhe do të jepet në hyrje të çdo pranvere. Vetëm me këto dy bonuese vjetore, pensionistët tanë do mund të prekin rritjen e ekonomisë. Ne ndërkohë do të kemi gati vitin e ardhëm edhe planin e ri të pensioneve. Do të garantojë qëndrueshmërinë afatgjate pa rrezikuar asnjë fije stabilitetin financiar dhe pa cenuar stabilitetin ekonomik të vendit”, tha Rama.
