Pak kohë më parë, një mijë kilometra larg Tokës, u testua për herë të parë një sistem lazer për transmetimin e urdhrave midis satelitëve, me shpejtësinë e dritës: një mënyrë më e sigurt dhe më e shpejtë për të zbuluar dhe përgjuar raketat e lëshuara nga një armik. Një evolucion i ombrellës mbrojtëse amerikane, nga SpaceX.
Jo vetëm revolucioni i makinave që i largohen naftës, me prodhimin e Teslas, bateritë e gjeneratës së re edhe për rrjetet elektrike, shtatë mijë satelitët Starlink që tani ofrojnë lidhje kudo në botë dhe hapësirën e ripushtuar nga Shtetet e Bashkuara falë raketave dhe anijeve kozmike të tija. Elon Musk, sipërmarrësi miliarder me paratë e tij, përdorimin e paskrupullt të platformës sociale që zotëron, është gjithashtu një figurë kyçe për sistemin amerikan.
Kompleksi ushtarak
I tillë është në sistemin ekonomik, por është bërë (dhe ndoshta mbi të gjitha) për sigurinë kombëtare. Ai zotëron të gjitha raketat e gjeneratës së re, më të avancuara dhe shumë më pak të kushtueshme, se ato të prodhuara nga Lockheed-Martin dhe Boeing. Dhe Musk zotëron satelitët ushtarakë dhe satelitët spiunë të ndërtuar dhe hedhur në orbitë në një fshehtësi të madhe për llogari të Pentagonit (duke u marrë terrenin emrave të tjerë historikë të kompleksit ushtarak-industrial: Raytheon, Grumman, Northrop).
Për të mos përmendur rolin gjeostrategjik të satelitëve Starlink, thelbësor në konfliktin në Ukrainë dhe të konsideruar si një armë e mundshme e padukshme në zona të tjera të nxehta, nga qiejt e Tajvanit deri në ato të Gazës.
Për këtë arsye, Elon mori një leje sigurie nga ushtria, e cila i jep atij akses në informacionet më sekrete, por gjithashtu vendos kufizime të rrepta konfidencialiteti. A i ka respektuar? Ai, kampioni botëror i fjalës së lirë, gjithmonë i etur për të mahnitur dhe me ndonjë çrregullim të personalitetit që e pranoi edhe vetë, çrregullim që e korrigjon (ose e mpreh) duke iu drejtuar kimisë, ka thënë tashmë se e ka kuptuar pse sekretet që i janë zbuluar, duhet të mbeten të tilla: sepse janë gjëra të mërzitshme!
Tani që Trump do të kthehet në Shtëpinë e Bardhë, cila do të jetë marrëdhënia e tyre”? Me fjalë, të dy tashmë e kanë një marrëveshje: Musk, i cili si sipërmarrës ka demonstruar aftësinë e tij jo vetëm për të inovuar, por edhe për të industrializuar teknologjitë e tij në mënyrë efikase dhe me kosto të ulët, duhet të zbatojë të njëjtën recetë në administratën publike. Elon ka krijuar tashmë një akronim për rolin e tij të ardhshëm: DOGE, dmth Departamentin e Efikasitetit të Qeverisë. Me të cilin ai premton t’i kursejë shtetit dy trilion dollarë çdo vit.
Cilat do të jenë përditimet e Musk tani?
Benefitet e para u ndjenë që dje. 15% u rritën aksionet e Teslas.
Mendohet gjithashtu se Trump do ta fusë Musk në qeverisje duke i besuar një dikaster të rëndësishwm ku pritet të bëhen reforma të mëdha. Kjo do t`i japë Musk fuqinë për të lidhur kontrata të rëndësishme në favor të kompanive të tij.
“Një yll ka lindur, Elon”, tha Trump.
Nuk është 100% e saktë sesi marrëdhënia e tyre do të vijojë në katër vitet e ardhshme, por është e qartë që nga presidenca e Trump, Elon Musk do të përfitojë. /Bota.al/
