Humbja e jetës së Gerti Bogdanit nga një arrest kardiak, ka shtuar diskutimet nëse mund të parandalohet dhe si një arrest kardiak.
Ka hipoteza se vaksina anti-Covid ka rritur rastet me arreste kardiake, ndërsa mjeka Aurora Dollenberg pranon se ‘AstraZeneca’ jep efekte anësore por njëkohësisht ka shpëtuar shumë jetë njerëzish. Mjekja shqiptare që punon në Gjermani i përgjigjet kritikave duke pohuar se është shumë e ulët vdekshmëria nga efektet anësore të vaksinës AstraZeneca.
“Nëse dikush mezi merr frymë, ne duhet të japim ndihmën e shpejtë, të njoftojmë urgjencën. Shteti duhet të marrë masa, që të reduktojë kohën që ambulanca vjen në ndihmë të pacientit. Vaksina antiCovid ka shpëtuar jetë, por ka pasur edhe efekte anësore. Ka qenë e pamohueshme vdekja e pacientit me vaksinën AstraZeneca, por vdekshmëria ka qenë tepër e ulët”, tha Dollenberg.
