Edhe Greqia ka vendosur të mos lejojë përdorimin e celularëve gjatë orëve të mësimit, në vitin e ri shkollor.
Ligji i ri, i ngjashëm me atë që tashmë po aplikohet në Belgjikë dhe Francë, thotë se fëmijët do të mund t’i sjellin celularët në shkollë, por nuk do të mund t’i përdorin gjatë mësimit.
Nxënësit që nuk respektojnë do të pezullohen nga shkolla për një ditë.
Ndërsa, kushdo që filmon shokët e shkollës ose mësuesit e tyre pa leje mund të përballet me përjashtimin nga shkolla.
Sipas ekspertëve, qëndrimi për një kohë shumë të gjatë para ekranit ndikon në shëndetin mendor të fëmijëve. Kjo problematikë është gjithashtu pjesë e axhendës politike të presidentes së Komisionit Europian Ursula von der Leyen.
“Vitet e hershme dhe të adoleshencës janë kritike për zhvillimin e trurit dhe personalitetit dhe janë gjithashtu periudha kur të miturit janë më të cenueshëm nga mediat sociale”, shkroi ajo.
