Vera është stinë e mrekullueshme, por jo edhe aq në mbarëvajtjen e dietave. Darkat e kaluara nëpër festa apo ushqimet jo të shëndetshme që konsumojnë nuk janë të mira për shëndetin. Ja disa fruta dhe perime të cilat duhet të konsumohen gjatë stinës së nxehtë të verës:
Avokado- ky frut është burim fibrash dhe kalciumi. Mund ta përdorni në sallatë, sanduiç apo hamburger.
Qershi- të pasura me antioksidantë ju ndihmojnë për të luftuar vapën në këtë stinë të nxehtë.
Misra- të ziera ose thjesht të pjekura, nuk ka rëndësi. Misrat janë burim vitaminash si acid folik, niacin dhe vitaminë C.
Mashurka jeshile- janë të ultë në kalori, të larta në fibra si dhe burim kalciumi.
Limon- i pasur me vitaminë C. Përdoreni për të përgatitur kokteile ose si përbërës shtesë në sallatë.
Mango- frut i ëmbël plot lëng i cili zvogëlon yndyrën në trupin tuaj.
Pjeshka- frut i ulët në yndyrë, përmban 10 vitamina. Mund të shoqërohet dhe me akullore.
Manaferrat e kuqe- ndihmojnë në parandalimin e kancerit, dhe ngadalësojnë procesin e plakjes. Mund t’i shtoni në kos.
Shalqi- është frut i pasur me ujë, ju mban të hidratuar. Gjithashtu është i pasur me vitaminë A e cila ndihmon për të ruajtur shëndetin e syve.
Kungull- i pasur me ujë dhe fibra, është i rëndësishëm në menaxhim e peshës tuaj trupore.
