Spanja bëhet skuadra e parë që fiton katër herë Kampionatin Europian, duke lënë pas Gjermaninë e cila ka triumfuar tre herë në këtë kompeticion.
“Furia e Kuqe” mposhti me rezultatin 2-1 Anglinë, duke u rikthyer te triumfi në Europian pas 12 viteve, teksa “Tre Luanët” nuk ia dolën as këtë Europian që të fitonte trofeun e parë.
Ishte dyshja e talenteve të Spanjës, Yamal me asist dhe Willimas me gol që zhbllokuan finalen në minutën e 47’.
Palmer i ardhur nga stoli barazoi për Anglinë në minutën e 73’, megjithatë Oyarzabal riktheu avantazhin dhe triumfin te Spanja me golin e shënuar në minutën e 86’.
