Ministria e Arsimit ka publikuar kalendarin e procedurave që duhet të dijë çdo maturant për regjistrim në universitete.
Përpara aplikimit për zgjedhjen e preferencave në portal duhet të kryehet pagesa e tarifës së aplikimit në vlerën 2000 (dy mijë) lekë. Pagesa bëhet në zyrat e Postës Shqiptare dhe në çdo bankë të nivelit të dytë.
Fatura për arkëtim shkarkohet në portalin U-Albania.
Pagesa kryhet deri në 29 korrik 2024. Pas dorëzimit të mandatit të pagesës, sekretaritë konfirmojnë pagesën e kryer brenda datës 29 korrik 2024, në portalin U-Albania.
Në periudhën 30 korrik – 04 gusht 2024, kandidatët që duan të ndjekin studimet në IAL, përfshirë edhe kandidatët që kanë përfunduar arsimin e mesëm të lartë jashtë vendit, pas pagesës së tarifës së aplikimit, do të aplikojnë në portalin U-Albania nëpërmjet formularit online të aplikimit, mbi bazën e notës mesatare sipas vendimit përkatës të Këshillit të Ministrave për kriterin e notës mesatare dhe kritereve të tjera të përcaktuara nga IAL, duke zgjedhur deri në 10 (dhjetë) programe studimi nga lista e programeve të studimit që ofrohen nga IAL, për vitin akademik përkatës.
