Trajneri i Kombëtares sonë, Sylvinho ka bërë një reagim pas humbjes me Spanjën dje dhe daljes së Shqipërisë nga Europiani.
Ai shprehet i trishtuar për rezultatin, por i lumtur për gjithë prezantimin dhe lojën që djemtë luajtën në të tri ndeshjet.
“Në vitin 2023 ishte e paimagjinueshme që të luanim këtu! Dalim me kokën lart dhe me lojtarë të rinj. Ishim në grupin e vdekjes, në një grup me kampionë Europe dhe Bote. Jam i trishtuar për rezultatin, por kemi bërë mirë në të 3 ndeshjet. Kemi luftuar gjithmonë deri në fund. Të gjithë prisnin të humbnim nga 3-0 apo 4-0, por kemi qenë gjithmonë aty në të tri ndeshjet duke luftuar.
E ardhmja? Është Nations League dhe më pas eliminatoret e Kupës së Botës. Falënderoj Federatën, gjithë stafin dhe gjithë njerëzit me të cilët kemi punuar. Kemi bërë gjëra të mirë, kemi treguar rritje”, thotë Sylvinho.
