Një orë xhepi prej ari, e gjetur në trupin e njeriut më të pasur në bordin e Titanikut është shitur për një shumë prej 1.4 milionë eurosh.
Ora iu shit një koleksionisti privat në SHBA nga Henry Aldridge & Son në Devizes, Wiltshire, për çmimin më të lartë të paguar ndonjëherë për reliket e Titanic.
Ora pritej të shitej diku mes 100,000 dhe 150,000 £.
Ora i përkiste John Jacob Astor, 47 vjeç, i cili u fundos bashkë me anijen më 15 prill 1912 pasi ndihmoi gruan e tij në një varkë shpëtimi.
Biznesmeni, pjesëtar i familjes së pasur Astor, u pa për herë të fundit duke pirë një cigare dhe duke biseduar me një pasagjer tjetër.
Trupi i tij u gjet në Atlantik, shtatë ditë pas fundosjes së anijes. Pasi u nxor nga uji, bashkë me të u gjend edhe ora e arit 14 karatë, në të cilin ishin gdhendur inicialet JJA.
