Një ekip kërkimor i Koresë së Jugut ka zhvilluar një ushqim të ri hibrid, një burim proteinash të përballueshme dhe miqësore me mjedisin, orizin hibrid.
Me nuancat e tij rozë dhe vjollce, nuk duket si orizi i zakonshëm.
“Ky është orizi në të cilin ne kemi integruar qelizat shtazore, duke përdorur një substancë të quajtur xhelatinë për të veshur sipërfaqen e kokrrave të orizit në një shkallë nano. Ne i kultivuam në një inkubator në rreth 37 gradë për rreth 1-2 javë dhe i gatuam duke përdorur një mikrovalë, “tha Milae Lee, një studiuese në Departamentin e Inxhinierisë Kimike dhe Biomolekulare në Universitetin Yonsei.
Në shkurt, inxhinierët biomolekulare në Universitetin Yonsei në Korenë e Jugut integruan me sukses qelizat e kafshëve në kokrrat e orizit në një përpjekje për të zhvilluar një ushqim të qëndrueshëm në të ardhmen.
I quajtur “orizi hibrid”, ushqimi i ri përmban 310 mg më shumë përmbajtje proteinash për 100 g sesa orizi para eksperimentit, sipas ekipit hulumtues.
Ai gjithashtu ka 160 mg më shumë karbohidrate për 100 g se orizi konvencional. Ekipi hulumtues thotë se ky përmirësim ushqyes ishte për shkak të xhelatinës së peshkut dhe enzimave të përdorura për të përmirësuar stabilitetin strukturor të kokrrave të orizit.
Një analizë e shijes tregoi se shija e tij është e ngjashme me orizin normal, me një nuancë të lehtë proteine shtazore, që i ngjan gjalpit dhe bajameve.
