Një sulm ajror izraelit vrau tre djemtë e liderit të milicisë palestineze të Hamasit, Ismail Haniya, siç raportohet nga ky i fundit dhe konfirmohet nga ushtria izraelite.
Duke folur për Al Jazeera nga Katari, ku ai jeton, Haniya tha se edhe disa nga nipërit e tij kanë vdekur në sulm.
Por, momenti kur Janiya mori lajmin është regjistruar nga kamerat, pasi ai ishte për vizitë në një spital në Doha për të parë gjendjen e të plagosurve në Gaza.
Siç shihet në video, shoqëruesi e informon se djali i tij ka vdekur dhe reagimi i Ismail Haniya është thjesht shokues. Ai qëndron i qetë dhe madje kur e pyesin nëse dëshiron të ndërpresë vizitën, ai nuk pranon.
Ai shprehet se shpreson që Allahu të ketë mëshirë për shpirtrat e tyre. “Është vullnet i Zotit” , dëgjohet të thotë ai.
Vëllezërit Hazem, Amir dhe Mohamed Haniya, u vranë në një bombardim në kampin e refugjatëve Al-Shati në Gaza, ku Izraeli po kryen një operacion ushtarak në shkallë të gjerë në përgjigje të sulmeve të Hamasit, më 7 tetor.
Ushtria izraelite pretendoi se tre vëllezërit ishin “operativë ushtarakë të Hamasit” dhe konfirmoi se i kishte “eliminuar ”.
Forcat e Mbrojtjes së Izraelit (IDF) thanë se avionët e saj kishin “eliminuar” tre vëllezërit, duke i përshkruar ata si “operativë ushtarakë të Hamasit”.
