Tashmë, dihet botërisht që muaji i lindjes ka shumë rëndësi në përcaktimin e personalitetit të foshnjeve. Nënat që janë në pritjen e ëmbël dhe presin të sjellin në jetë bebet gjatë këtij muaji duhet ta konsiderojnë veten me fat sepse bebet e pranverës kanë diçka speciale në karakterin e tyre.
Ja gjashtë gjërat që duhet të dini për foshnjat që lindin në prill!
#1 Rrinë zgjuar deri natën vonë
Një studim në revistën Sleep zbuloi se njerëzit që lindin në pranverë dhe verë zakonisht flenë më vonë se sa ata që lindin në vjeshtë apo dimër. Ndaj, përgatituni që bebi juaj i prillit të ketë më shumë shanse që të rrijë si “buf nate” deri sa ta zërë gjumi.
#2 Priren të jenë më pozitivë
Një studim i vitit 2014 me studentë të universitetit hungarez zbuloi se foshnjat e lindura në mars, prill dhe maj vlerësohen si më pozitiv, sepse moti ka shumë ndikim në këtë pjesë. Sidomos kur jetoni në një vend me verë të thatë dhe dimër të ftohtë.
#3 Këta fëmijë i mësojnë shpejt aftësitë drejtuese
Sipas studiuesve në “The University of British Columbia”, foshnjat e prillit kanë më shumë shanse të bëhen udhëheqës kompanish. Pas analizimit të ditëlindjeve të 375 CEO-ve në 500 kompani mes viteve 1992 dhe 2009, studiuesit arritën në përfundimin se shumica e tyre kishin lindur në prill. Për faktin se shkolla nis në shtator, ata priren të shkojnë më të mëdhenj në moshë në klasë të parë ndaj shihen edhe si liderë që në fillim të jetës.
#4 Ata kanë rrezik më të ulët të astmës
Një studim i vitit 2015 mbi foshnjat në qytetin e New York-ut zbuloi se fëmijët me ditëlindje në pranverë kanë një rrezik më të ulët për astmën dhe probleme të tjera shëndetësore.
#5 Kanë më pak rrezik për të zhvilluar ADHD (çrregullim i përqendrimit dhe hiperaktivitetit)
I njëjti studim vë në dukje se ADHD diagnostikohet më shpesh te foshnjat e lindura në muaj të tjerë të vitit, sepse vetë stina e ngrohtë, pranvera, plazhi jep më shumë ndjesi pozitive dhe interaktivitet për lojëra dhe argëtim se sa muajt e ftohtë të dimrit apo vjeshta.
#6 Fillojnë më shpejt me përdorimin e kremit kundër diellit
Prill do të thotë zyrtarisht pranverë, ndaj dhe ekspozimi shpejt në diell i foshnjave do të thotë përdorim më herët i kremit me faktorë mbrojtës, për të ulur kësisoj rrezikun nga melanoma ose ndonjë sëmundje tjetër lëkure me kalimin e moshës.
