Në disa shtete në botë jo vetëm që ndalohet aborti, por ndalohet edhe divorci në rastet kur gruaja është shtatzënë.
Në Missouri për shembull, përveç abortit, divorci është i ndaluar edhe në rastin e shtatzënisë. Jo pak herë ky fakt ka nxitur indinjatën në nivel kombëtar. Ky ligj jo vetëm që u privon grave lirinë për të vendosur për shtatzëninë e tyre, por gjithashtu i detyron ato të mbeten të bllokuara në marrëdhënie toksike dhe të rrezikshme.
Një artikull i fundit i Guardian nxori në pah dramën e një gruaje, e cila pas vitesh abuzimi në familje vendosi t’i jepte fund martesës së saj kur, gjatë muajit të gjashtë të shtatzënisë, zbuloi se burri kishte abuzuar edhe me djalin e tij të vogël.
E vendosur për t’i dhënë fund marrëdhënies toksike që e lidhte me burrin e saj, kontaktoi një avokat të specializuar për të filluar procedurat e divorcit, por më pas zbuloi se ligji në fuqi në shtetin e Misurit e pengonte atë të vazhdonte me ndarjen për shkak të shtatzënisë së saj.
Ky është vetëm një nga shembujt e panumërt se si gratë detyrohen të mbeten të lidhura me partnerët abuzues.
Dhe Misuri nuk është i vetmi shtet që vendos këto kufizime. Sipas asaj që raportohet nga Shoqata Amerikane e Shtatzënisë, edhe në shtetin e Teksasit ekziston një ligj që i ndalon gratë të ushtrojnë të njëjtat të drejta. Për më tepër, në Arizona, megjithëse nuk ka legjislacion specifik për këtë çështje, ka një vështirësi të konsiderueshme në procedimin e kërkesës për divorc nëse gruaja është shtatzënë.
