Të dielën e fundit të marsit, akrepat do të zhvendoset 60 minuta më përpara dhe ora diellore do të rihyjë në fuqi.
Prej kohësh, Komisioni Evropian ka diskutuar mundësinë e eliminimit të orës diellore, megjithatë, për momentin mosmarrëveshja është ende e hapur dhe asgjë nuk është miratuar.
Evropa i ka lënë liri të mjaftueshme çdo shteti për të vendosur nëse do të shfuqizojë apo jo orën e verës dhe Italia ka qenë gjithmonë ndër ato vende që nuk e ka parë favorizuese eleminimin e orës diellore.
Kështu do të vazhdojmë me traditën, të flemë një orë më pak, nga ana tjetër do të kemi më shumë orë me diell gjatë ditës. Dhe të gjithë e dimë se sa të mira janë efektet e diellit për trupin tonë dhe humorin e mirë.
Megjithatë, ky ndryshim nuk do të sjellë vetëm efekte të dobishme, ka edhe efekte negative që duhet të jeni në dijeni.
Ti fle më keq
Me orarin e ditës do të flini një orë më pak gjatë natës. Për disa, mund të duhen deri në tre javë për t’u mësuar me ndryshimin. Gjumi do të jetë i parehatshëm. Shkaqet e këtij çrregullimi mund të gjurmohen në ndikimin që shkakton ndryshimi i kohës në orën tonë të brendshme, e cila rregullon shumë funksione ciklike të trupit tonë.
Përqendrimi i ulur
Ulja ose përkeqësimi i gjumit shkakton humbje të përqendrimit dhe produktivitetit në punë dhe shkollë. Një studim në Journal of Applied Psychology raportoi se me ardhjen e orës diellore ka një rritje të sasisë së kohës që njerëzit humbasin duke shfletuar faqet argëtuese. Kërkimi u krye në Shtetet e Bashkuara duke krahasuar të dhënat e navigimit të Google të së hënës para dhe pas ndryshimit të orës.
Sulmet në zemër
Ora e larguar nga gjumi rrit stresin, dhe rrit shanset për një atak në zemër për ata që janë në rrezik. Për më tepër, duke pasur parasysh se mëngjesi është koha më e ndjeshme e ditës për njerëzit në rrezik.
Më shumë vetëvrasje
Siç citohet në revistën Focus, duket se ka një rritje të vetëvrasjeve në javët pas ndryshimit të orës (si në verë ashtu edhe në dimër). Një studim i kryer në Australi zbulon se edhe një ndryshim i vogël në ritmet biologjike mund të ndikojë negativisht dhe të jetë shkatërrues tek njerëzit më të cenueshëm.
