Balenciaga ia doli ta kthejë vëmendjen nga vetja orët e fundit për shkak të një byzylyku aspak të zakonshëm.
Shtëpia franceze e modës ka propozuar një byzylyk në formën e një ngjitësi rrotë, ose skoç dhe po shkakton diskutime në internet dhe më gjerë.
Aksesori, aktualisht jo në treg, u shfaq gjatë një sfilate mode nga koleksioni vjeshtë-dimër 2024 i shtëpisë së modës, por ende nuk shfaqet në faqen zyrtare të Balenciaga-s apo në rrjetet sociale. Megjithatë, një pamje nga afër e byzylykut ofrohet nga një video e xhiruar në Javën e Modës në Paris dhe e postuar nga profili i famshëm i modës TikTok @highsnobiety, i cili u tregoi përdoruesve krijimin e ri të markës, duke i pyetur ata nëse do ta mbanin ndonjëherë.
Siç mund ta shohim edhe nga video byzylyku në fjalë është si një ngjitës normal, me ndryshimin e vetëm që ka të printuar emrin e markës brenda kartonit. Ai që është i diskutueshmëm, është çmimi: sipas asaj që kanë raportuar disa përdorues të X, kostoja e aksesorit në fakt do të ishte rreth 3000 euro.
Shumë përdorues të indinjuar lanë komente në rrjetet sociale si: “Të pasurit duan vërtet të ndihen të varfër”. Dikush, megjithatë, e merr me ironi duke shkruar: “Sapo bleva një… por është nga një markë e vogël, e pavarur e quajtur Scotch”.
