Në Universitetin “Ismail Qemali” Vlorë, Fakulteti i Shkencave Humane u cel projekti MORIN (Mobility Recognition for Integration), projekt ‘Erasmus+ KA2’, CBHE, strand 1), që përfshin një konsorcium me partnerë nga Shqipëria, Kosova, Maqedonia e Veriut, Serbia, Republika Ceke.
Nga Fakulteti i Shkencave Humane të Universitetit “Ismail Qemali” Vlorë, në zbatim të projektit, do të përfshihen 3 departamente, ai i Gjuhëve të Huaja, i Edukimit dhe ai Gjuhës Shqipe dhe Letërsisë. Ky projekt financohet nga Bashkimi Europian dhe synon njohjen e periudhave të studimit dhe intershipeve të studentëve në kuadër të programeve të shkëmbimit përmes rezultateve të të nxënit, duke pasur në qendër të vëmendjes studentin, duke rritur krahasueshmërinë e programeve të studimit e duke siguruar lëvizjen e lirshme me qëllim studimin apo punësimin në vende të Ballkanit Perëndimor.
Armela Panajoti, Dekane e Fakultetit të Shkencave Humane, UV “Ismail Qemali” shpjegon se: “Projekti Morin të cilin ne nisim ta zbatojmë sot ka në fokus mobilitetin e studimeve. Pra shkëmbimet që ndodhin mes universiteteve shqiptare dhe universiteteve që bëjnë pjesë në programin ERASMUS Plus. Dihet që në kontekstin e sotëm të arsimit të lartë, mobiliteti i studimeve është një nga komponentët më të rëndësishëm.
Universiteti i Vlorës, si një nga universitetet ambicioze ka iniciuar këtë projekt në bashkëpunim me partnerë nga rajoni dhe jo vetëm. Konkretisht, kemi universitete nga Shqipëria, nga Kosova, Universiteti Shën Kliment Ohridski nga Maqedonia e Veriut, Universiteti Palacký Olomouc nga Republika Ceke dhe Universiteti i Nishit nga Serbia. Nga Shqipëria kemi Universitetin Evropian të Tiranës, Kolegjin Profesional të Tiranës, AAB Kolegj dhe Biznes Kolegj nga Kosova. Të gjithë së bashku do të realizojmë realizimin e procedurave të njohjes bazuar në rezultatet e të nxënit. Ky do të jetë fokusi i projektit”.
Nga Shqipëria partner në këtë project janë dhe Universiteti Evropian i Tiranës, si dhe Kolegji. Profesional i Tiranës.
“Ne kemi një interes të jashtëzakionshëm në realizimin e projektit. Roli specifik është diseminimi i rezultateve të këtij projekti si dhe gjithë aktiviteteve që prodhon ky projekt. Siç e dimë të gjithë është objektivi ligjor i secilit partner të promovojë mobilitetin duke respektuar sigurisht kriteret e Bashkimit Evropian për disiminimin, Vizibiliteti është shumë i rëndësishëm. Ne duhet të sigurohemi që secili partner të zbatojë regullat kryesore të vizibilitetit, si dhe të sigurojmë përveç diseminimit jashtë institucioneve të konsorciumit, të sigurohemi që të kemi dhe një komunikim të mirëfilltë të brendshëm dhe të jashtëm në nivel projekti”, thotë Dardane Nuka, UET. Ndërsa Jola Osmënaj Kolegji Profesional i Tiranës: “KPT është një institucion i arsimit të lartë profesional dhe vjen si një partner që sjell një risi në këtë projekt. Ne duam që të sjellim eksperiencën tonë për mobilitetet e intershipeve që studentët tanë kanë zhvilluar në vendet e Bashkimit Evropian dhe politikat e njohjes së krediteve që studentët tanë kanë zhvilluar në vendet e Bashkimit Evropian dhe i sjellin në vendin tonë. Shpresojmë që ky projekt të jetë sa i suksesshëm, shpresojmë që sado pak ekspertiza jonë dhe ato praktikat tona të mira të shërbejnë për të krijuar manualin e mirë të Ballkanit Perëndimor për njohjen e krediteve për intershipet dhe lëvizjen e lirë për në Ballkanin Perëndimor.”
Nga Kosova marrin pjesë kolegji AAAB dhe Kolegji ‘Biznesi’.
Aleksandër Takovski nga Kolegji AAB shprehet se: “Përgjithësisht unë pres të arrij të gjitha objektivat, në një kohë më specifike unë pres të rrisim shkallën e lëvizshmërisë në institucionet tona, në 8 universitetet, të promovojmë lëvizshmërinë kulturore, për të tërhequr sa më shumë studentë dhe fillimin e ndërtimit të një platforme me një shkëmbim intensiv në të ardhmen”.
Ndërsa Atdhe Kabashi, përfaqësues nga Kolegji “Biznesi”: “Jemi këtu në Universitetin e Vlorës, si partner nga Kosova, Kolegji ‘Biznesi’. Jemi shumë të kënaqur dhe krenarë që jemi pjesë e këtij projekti të financuar nga Bashkimi Evropian. Projekti quhet Morin dhe ka për qëllim ngritjen e kapaciteteve në institucionet e arsimit të lartë kudo në Ballkan, së bashku me partnerët tanë ndërkombëtarë, duke ju ofruar praktikat më të mira për njohjen e mobiliteteve dhe njohjen e krediteve në mbarë Evropën gjithashtu dhe në Ballkan, pavarësisht dallimeve dhe diferencimeve, që ne kemi si institucione. Gjithashtu, ky projekt do të mundësojë njohjen e kulturave të reja, shkëmbimin e eksperiencave të ndryshme dhe pasurimin e studentëve dhe stafeve tona akademike me qëllimin e ngritjes së cilësisë, bashkëpunimin rajonal dhe ndërkombëtar”.
Pjesë e konsorciumit është dhe universiteti i Nishit në Serbi. Vesna Lopičić nga Universiteti i NISH-it Serbi thotë: “Si pjesë e universitetit të Nishit në Serbi, dua të them që është kënaqësia jonë që të jemi në Vlorë përsëri, sepse ne kemi qenë partner në një tjetër projekt më parë, të cilin vërtet e kemi realizuar mirë dhe tani kemi një mundësi tjetër të konfirmojmë bashkëpunimin tonë. Kjo është një kënaqësi e madhe”.
Ekspertët, trupa akademike dhe institucionet e arsimit të lartë, rezultatet e projektit do t’i integrojnë në kontekstet e vendeve të tyre. Projekti zgjat 2 vjet.
, projekt){kind=link}