Tashmë është zyrtare, Armando Broja është lojtari më i ri i Fulhem. Ka përfunduar telenovela e të ardhmes së shqiptarit, me këtë të fundit që ka zgjedhur të largohet nga Çelsi, por të qëndrojë në Premier Ligë.
22-vjeçari do të jetë pjesë e Fulhemit deri në fund të sezonit aktual, me këta të fundit që do të paguajnë 4 milionë paundë për këtë formulë transferimi.
Ai do të mbajë fanellën me numrin 9, duke i besuar shqiptarit “çelësat” e sulmit.
Një rast i artë për shqiptarin, i cili pritet të jetë një lojtar kyç në ekipin ri.
Ndërkohë së fundmi, gazetari i “The Guardian”, Jacob Steinberg ka zbuluar një detaj tepër interesant në lidhje me akordin e arritur mes dy klubeve angleze.
Sipas Steinberg, në qoftë se Broja aktivizohet 10 ndeshje me fanellën e Fulhem, me një minutazh të caktuar, atëherë klubi i Fulhemit, do të shmangë pagesën prej 4 milionë paund të huazimit, në rast se shqiptari aktivizohet më pak se 10 ndeshje, atëherë Fulhem është i detyruar t’i paguajë Çelsit 4 milionë paund.
“Ndihet e mrekullueshme. Jam shumë i lumtur që jam këtu dhe mezi pres të filloj, të takoj lojtarët, menaxherin dhe të luaj për tifozët.
Tifozët luajnë gjithmonë një rol të madh dhe mezi pres të shkoj në “Craven Cottage” dhe t’i takoj të gjithë. Do të punoj shumë për ekipin dhe do të krijoj një lidhje të vërtetë. Jam vërtet i nderuar dhe i emocionuar që jam këtu”, deklaroi Broja.
