Mendoni sa mirë do të ishte nëse me një analizë të thjeshtë gjaku do të mund të dinim gjithçka, absolutisht gjithçka për shëndetin tonë. Me rezultate aq të sakta sa të parashikojnë datën e vdekjes. Jo, nuk është një film distopian, por perspektiva gjithnjë e më reale dhe konkrete.
Disa teste janë tashmë realitet, si biopsia e lëngshme. Disa teste eksperimentimi kanë avancuar shumë, siç është testi i troponinës kardiake, i cili mund të parashikojë një rrezik më të madh të vdekjes brenda dy viteve të ardhshme.
Dhe nuk është për t’u habitur nëse në një të ardhme jo të largët do të mbërrijnë analizat “parashikuese” të gjakut të cilat, falë edhe Inteligjencës Artificiale, do të mund të na tregojnë se sa do të jetojmë. Në gjak rrjedhin qindra “indikatorë” shëndetësorë në kohë reale, molekula të afta të na tregojnë sesi funksionojnë organet, ecuria e një infeksioni, predispozicioni për disa patologji dhe në përgjithësi jetëgjatësia. Problemi sot nuk është aq shumë përgjimi i këtyre biomarkerëve sesa interpretimi i tyre, për të pasur rezultate të caktuara. Por në këtë drejtim po ecën një studim i fundit, i cili fokusohet në parandalimin e patologjive të rënda si obeziteti, problemet e zemrës dhe kancerin.
