Një analizë gjaku, e një proteine mund të përdoret për të kontrolluar sëmundjen e Alzheimerit me saktësi të lartë, edhe para se simptomat të fillojnë të shfaqen, sugjeron studimi i fundit. Studimi përfshiu testimin e gjakut për një biomarker kyç të Alzheimerit të quajtur p-tau217, i cili rritet në të njëjtën kohë me proteinat e tjera të dëmshme që krijohen në tru. Aktualisht, për të identifikuar grumbullimin e beta amiloidit dhe tau në tru, pacientët i nënshtrohen një skanimi të trurit, e cila shpesh mund të jetë e kushtueshme. Por ky test i thjeshtë gjaku u zbulua se ishte deri në 96% i saktë në identifikimin e niveleve të ngritura të beta amiloidit dhe deri në 97% i saktë në identifikimin e tau-së, sipas studimit të botuar në revistën JAMA Neurology .
“Ajo që ishte mbresëlënëse me këto rezultate është se testi i gjakut ishte po aq i saktë sa testet e avancuara,” Nicholas Ashton, një profesor i neurokimisë në Suedi.
Gjetjet e studimit nuk ishin befasi për Ashton, i cili shtoi se komuniteti shkencor e ka ditur për disa vite që përdorimi i testeve të gjakut ka potencialin për të vlerësuar rrezikun e sëmundjes Alzheimer. Sëmundja e Alzheimerit, një çrregullim i trurit që ndikon në kujtesën dhe aftësitë e të menduarit është lloji më i zakonshëm i demencës, sipas Institutit Kombëtar të Shëndetit. Vitin e kaluar, testi i parë i gjakut për vlerësimin e proteinës beta amiloide u vu në dispozicion në Shtetet e Bashkuara për të ndihmuar njerëzit që të identifikojnë rrezikun e Alzheimerit. Disa studiues kanë ngritur dyshime në lidhje me shkencën që qëndron pas testit. Quest Diagnostics, kompania që qëndron pas testit ka theksuar se nuk ka për qëllim të diagnostikojë Alzheimer-in, por thotë se ndihmon në vlerësimin e rrezikut të një personi për të zhvilluar sëmundjen. Testi është aktualisht i disponueshëm vetëm për përdorim kërkimor, por pritet të jetë i disponueshëm për përdorim klinik së shpejti.
ALZpath vlerëson se çmimi i testit mund të jetë midis 200 dhe 500 dollarë!
“Një biomarker i fortë dhe i saktë i bazuar në gjak do të mundësonte një vlerësim më gjithëpërfshirës të dëmtimit njohës në mjedise ku testimi i avancuar është i kufizuar”, shkruajtën studiuesit.
“Prandaj, përdorimi i një biomarkeri gjaku synon të përmirësojë një diagnozë të hershme dhe të saktë të AD, si dhe qasje në kohë në terapitë modifikuese të sëmundjes”, shtuan ata.
Për shembull, testi tregoi saktësinë e lartë në identifikimin e patologjisë tau brenda njerëzve që rezultuan pozitivë për beta amiloid, sipas studimit. Kjo mund të ndihmojë në drejtimin e vendimeve të trajtimit te pacientët që marrin në konsideratë terapitë që synojnë beta amiloidin, si Leqembi dhe Aduhelm , pasi ato mund të jenë më pak efektive në pacientët me patologji të avancuar tau, shkruajnë studiuesit. Gjithashtu, testi është specifik për sëmundjen e Alzheimerit, kështu që nëse dikush rezulton negativ, por tregon shenja të dëmtimit kognitiv, ky test nuk mund të përcaktojë shkaqe të tjera të mundshme të simptomave të tyre. Në përgjithësi, një test gjaku për sëmundjen e Alzheimerit, mund të përdoret për të ndihmuar në diagnostikimin e një personi që përjeton humbje të hershme të kujtesës, si dhe përpara se pacienti të shfaqë shenja ose simptoma të sëmundjes, sepse ndryshimet në truri mund të ndodhë rreth 20 vjet para fillimit të simptomave të dukshme, tha neurologu Richard Isaacson. Shenjat dhe simptomat e sëmundjes së Alzheimerit mund të ndryshojnë nga një person në tjetrin, por shpesh problemet e kujtesës janë shenjat e para të sëmundjes.
