Mjekja pediatre Zerina Sheme ka ndarë në rrjetet sociale informacion se si duhet ta trajtojnë prindërit, temperaturën e fëmijës, kur është mbi 38.
Pediatrja shpjegon se ka një qendër në tru që është përgjegjëse për rregullimin e temperaturës së trupit. Në këtë mënyrë, shpjegon mjekja trupi reagon ndaj ngritjes së temperaturës duke zgjeruar enët e gjakut të lëkurës dhe duke djersitur. Ajo çfarë këshillon pediatrja është mbajtja nën kontroll e temperaturës, ushqimi i duhur dhe përdorimi i barnave, sipas recetës së rekomanduar nga mjekët.
“Kujdesi për temperaturën e fëmijës. Temperatura e trupit është një tregues i gjendjes shëndetësore të fëmijës
Janë disa faktorë që mund të ndikojnë situatën,
– aktivitetit fizik,
– mjedisi
– metabolizmi i brendshëm
Ka një qendër në tru që është përgjegjëse për rregullimin e temperaturës së trupit. Trupi reagon ndaj ngritjes së temperaturës duke zgjeruar enët e gjakut të lëkurës dhe duke djersitur. Në këtë mënyrë natyra ka krijuar mekanizmat kompensatore për ekuilibrimin e temperaturës. Tek të porsalindurit kjo qendër (në hypotalamus ) nuk është e formuar plotësisht prandaj ato janë të ndjeshëm ndaj ngritjes dhe uljes së temperaturës.
• Veshja e trashë, dhoma tepër e ngrohtë, qarja për kohë të gjatë mund t’ja rrisin temperaturën fëmijës
• Ndërsa rënia e sheqerit në gjak, e cila ndodh tek ato të lindur nën peshë ja ul temperaturën e trupit fëmijës. Në këtë rast një perfuzion me glukozë do ta ndihmonte shpejt situatën.
• Edhe sepse tek fëmijët e porsalindur mund të shoqërohet në disa raste me ulje të temperaturës,
gjendje përgjumje të thellë.
Rritja e temperaturës është një shenjë që tregon se organizmi i fëmijës ka aktivizuar mekanizmat mbrojtës ndaj viruseve dhe baterive por edhe të çdo lloj inflamacioni tjetër.
Temperatura normale është nga 36-37 °C,
Do të konsiderohet si gjendje me temperaturë nëse fëmija vazhdon të ketë temperaturë të lartë për 24 orë duke paraqitur edhe simptoma të tjera virale.
Ju duhet të:
Matni menjëherë temperaturën. Duhet të dini se poshtë 38 nuk konsiderohet si një temperaturë e lartë
Mos u alarmoni;
• Vishni lehtë fëmijën
• Mbani shumë të hidratuar; ujë, çaj , trisol, lëng portokalli të freskët.
• Përdorni një sirup Paracetamoli (Takipirina), por nëse ajo nuk vepron mirë, mjeku mund të rekomandojë një me bazë Ibuprofen.
• Kompresa lokale tek rrëzët e kofshëve, me një napë me ujë në temperaturë ambienti
• Banjo të trupit ku uji duhet të jetë një gradë më pak se temp e fëmijës
• ajrosni dhomën e fëmijës.
• mos e mbuloni trashë.
• këshillohuni me mjekun tuaj.
Zakonisht normalizohet tre katër ditë pasi fillohet mjekimi.
Asnjëherë dora nuk kryen rolin e termometrit.
Vëzhgoni reagimin e fëmijës”, shkruan mjekja.
