Viti 2023 ka qenë një vit shumë i suksesshëm për disa nga moderatoret e ekranit. Nëse do ta nisim se kush është më e ndjekura në rrjetet sociale, ajo është pa dyshim Luana Vjollca, e cila numëron 2.1 milionë ndjekës në rrjetet sociale.
Ajo së fundi pati një sukses të jashtëzakonshëm si me “Zemër Luana”, po ashtu dhe “Love Island”.
Një vit i rëndësishëm dhe plot emocione ka qenë edhe për moderatoren Arbana Osmani, e cila renditet e dyta me 1 milion ndjekës në rrjetet sociale.
Por këtë vit ajo kurorëzoi në martesë dashurinë me regjisorin Eduart Grishaj.
Po në të njëjtën linjë është dhe moderatorja Bora Zemani, e cila nuk kishte se si ta mbyllte më bukur vitin sesa me një film me partnerin e saj Donald Veshaj, si dhe mori propozimin për martesë.
Ajo numëron 1 milion ndjekës në rrjetet sociale.
Për moderatoren Kiara Tito, e cila numëron 795 mijë ndjekës në rrjetet sociale, ka qenë një vit i shpejtë dhe plot emocione të forta. Brenda “Big Brother” njohu dashurinë e jetës, u martua dhe është në pritje të ëmbël.
Për Megi Pojanin gjithashtu ka qenë një vit i suksesshëm, e cila nga “Fun Club BBV2” te “Përputhen”, me të cilin po korr shumë sukses. Ajo numëron 534 mijë ndjekës.
