Mjekja pediatre Zerina Sheme ka ndarë në rrjetet sociale disa informacione në lidhje me fruthin, ku thekson se rastet janë shtuar së fundmi në botë.
Pediatrja thekson se disa nga komplikacionet që shfaq fruthi është: pneumonia, diarre e rëndë, infeksione dhe dëmtim të shikimit.
Po ashtu thekson se gratë shtatzëna të pavaksinuara mund të përjetojnë abort spontan.
“E risjell në vëmendje këtë temë, sepse janë shtuar rastet e fruthit në botë…Prek kryesisht fëmijët por edhe të rriturit që nuk janë vaksinuar.
Më lejoni që me këtë postim ndërgjegjësues t’ju shpjegoj rëndësinë që ka kjo sëmundje; në lidhje me komplikacionet e ashpra që mund të pasojnë…
Komplikimet
•Një në 20 raste me fruth zhvillon pneumoni , shkaku më i zakonshëm i vdekjes nga fruthi,
•Një në 1000 zhvillon encefalit (ënjtje dhe inflamacion të trurit) me paaftësi intelektuale të përhershme.
• diarre e rëndë e shoqëruar me dehidrim; infeksionet e veshit, dëmtim i shikimit.
• Trombocitopeni sekondare
Vëmendje!
Gratë shtatzëna të pavaksinuara më parë, nëse preken nga ky virus në tre muajt e parë të barrës, mund të ndodhë abort spontan ose defekte të lindura në zemër, hidrocefali. Nuk ekziston trajtim i posaçëm antivirusal kundër virusit të fruthit. Mjekimi është simptomatik. Qetësues të temperaturës, perfuzione, vitamina, sirupe kolle.
Profilaksia:
Mbrojtja aktive kundër fruthit bёhet me vaksinё tё cilёs i nёnshtrohen tё gjithё fёmijёt, në moshën një vjeç”, shkruan mjekja.
