A jeni gati të përballeni me disa fakte që nuk i dini mbi shtatzëninë?
Bright Side rendit disa prej tyre, për të cilat nuk do t’ju tregojnë as shoqet dhe as mjekët.
Të mbash një fëmijë në mitër për një vit të tërë nuk është një mit. Normalisht shtatzënia, nga momenti i konceptimit deri në momentin e lindjes së fëmijës, zgjat 266 ditë ose 38 javë. Mitra rritet 500 herë më shumë se normalja, gjatë shtatzënisë por pas lindjes, ajo bëhet më e vogël se madhësia e saj origjinale. Mitra para shtatzënisë është përafërsisht sa një pjeshkë dhe në fund të shtatzënisë, ajo arrin madhësinë e një shalqiri. Një grua do të prodhojë më shumë estrogjen gjatë shtatzënisë sesa gjatë gjithë jetës së saj nëse ajo nuk lind kurrë. Gjatë shtatzënisë, beli dhe gjoksi i një gruaje nuk janë të vetmet gjëra që duhet të rriten në madhësi, por edhe këmbët e saj.
Ka disa arsye për këtë: akumulimi i tepërt i lëngjeve në trupin e një nëne shtatzënë, presioni i shtuar në harkun e këmbës për shkak të peshës. Fëmijët mund të qajnë në barkun e nënës së tyre, edhe para se të lindin. Ata e zhvillojnë këtë aftësi në tremujorin e tretë dhe të qarat zakonisht ndodhin në përgjigje të një zhurme me decibel të ulët që luhet në barkun e nënës. Imazhet me ultratinguj të regjistruara në video tregojnë se foshnjat shfaqin sjellje të qara, si hapja e gojës dhe marrja e disa frymëmarrjeve të parregullta përpara se të nxjerrin frymën. Një “shoqërues” i shpeshtë i grave shtatzëna është pigmentimi. 90% e nënave e hasin këtë problem. Njolla të veçanta mund të shfaqen në fytyrat e tyre, veçanërisht në zonën e ballit, hundës, mjekrës, mollëzave dhe syve. Gjurmët e gishtave të foshnjave fillojnë të formohen në muajin e gjashtë të shtatzënisë.
Pasi të formohen, ato nuk do të ndryshojnë deri në fund të jetës së tyre!
Një fëmijë i palindur mund të ndiejë, të shijojë dhe të nuhasë ushqimin që konsumon nëna e tij. Ato absorbohen nga lëngjet amniotike dhe mund të formojnë preferencat ushqimore të një personi të ardhshëm. Shtatzënia është një kohë e mrekullueshme kur trupi i një gruaje kalon nëpër transformime që janë të vështira për t’u imagjinuar.
