Eksperti i Sigurisë, Fatjon Softa ka folur lidhu me grabitjet në vendin tonë gjatë javëve të fundit, ku tregoi metodën e përdorur nga bandat.
Ai tha se në vendin tonë grabitësit po përdorin dhunë dhe kjo shkakton panik tek qytetarët.
Ndër të tjera, Softa shtoi se policia duhet të shtojë bashkëpunimin dhe masat për të parandaluar ngjarjet e grabitjeve në prag të festave të fundvitit.
“Siguria e banesave dhe qytetarëve në këtë fundvit janë vënë në rrezik. Këto fakte rrisin frikën dhe panikun tek qytetarët, duke ndikuar negativisht edhe tek turistët. Është shumë e qartë se çdo fundvit fillojë grabitjet. Këtë herë ka dhe dhunë të ushtruar, kjo është ajo për të cilën duhet të shqetësohemi. Goditja që mund t’i japim këtyre grupeve do të ishte pozitive, në mënyrë që veprat penale mos të përsëriten dhe shumëfishohen. Kjo kërkon bashkëpunim mes forcave të policisë, problem mbetet siguria e banesave. Nëse nuk kemi masa parandaluese, përherë do kemi grabitje. Asnjëherë nuk ka ngjarje spontane, pas pasur informacion. Të shmangen të dhënat që japim edhe në rrjetet sociale. Ka disa grupe që kanë krijuar një profil profesional, që bashkëpunojnë.
Një pjesë e tyre kanë eksperiencë në vjedhjet edhe në Evropë. Mundësia për t’u identifikur është më pak e mundur, sot po vidhen automjete në mënyrë perfekte, marrin targa pa u identifikuar. Edhe vjedhja e banesave, vjen duke ndërhyrë edhe në sistemin e mbrojtjes. Ata janë të aftë për të mos lënë gjurmë, duke çaktivizuar edhe alarmet e sigurisë. Por edhe hapjen e dyerve të blinduara, përmes mjeteve fizike dhe në sistemet elektronike që mbyllen me kod”, tha Softa.
Eksperti i Sigurisë, Fatjon Softa
