Tema e kësaj të enjteje në emisionin “Shije Shtëpie” në Tv Klan, kishte të bënte me shëndetin e lëkurës në periudhën e dimrit.
Dimri nuk ndikon keq vetëm në lëkurën e të rriturve, por edhe të fëmijëve. Dermatologia Ritjana Mala, një nga të ftuarat në studio, shpjegoi që bebet me problem të “dermatitit atopik” (ose “rrjebulla” në gjuhën popullore), kanë nevojë për një kujdes akoma më të theksuar.
Ajo thotë që foshnjat nuk duhen larë ditë për ditë, pasi kjo gjë mund t’ju shkaktojë lëkurë më të thatë.
Katerina Trungu: Njësoj funksionon edhe për bebet. Bebeve sidomos ne, edhe pse ato e kanë lëkurën më të mirë, më të renë, më të freskët në botë, ne prapë i vendosim kremra.
Ritjana Mala: Një nga problematikat e shpeshta të lëkurës tek bebet është tek “dermatiti atopik”, ose ajo që populli e njeh ndryshe si “rrjebulla”, që shfaqet me anë të vatrave të lëkurës së skuqur, të thatë, të acaruar, sidomos tek pjesa e faqeve dhe në zonat e palave. Kështu që, për këta fëmijë duhet një kujdes akoma dhe më i theksuar për t’ia mbajtur lëkurën të butë. Ajo që i rekomandoj gjithmonë nënave, është që të përdorin larës të butë për lëkurën, larës për lëkura atopike, pra të zgjedhin të tillë larës. Dhe e dyta, gjithmonë kremin hidratues, komplet trupin, faqet, çdo ditë, sidomos pas dushit. Tek bebet e vogla në periudhën e dimrit, gjithashtu e rekomandojmë edhe dushin të mos bëhet ditë për ditë, i trupit. Pjesa e pelenave, patjetër që do lahet sa herë që ndërrohet, por jo dushe ditë për ditë të trupit sepse ia thajnë akoma edhe më tepër lëkurën. Tek këta persona, tek këta fëmijë duhet të kenë kujdes.
Katerina Trungu: Rekomandohet rutina, po ke të drejtë. Zakonisht rekomandohet një rutinë mbrëmjeje tek bebet, ndoshta jo foshnje e porsalindur, por disa muajsh, që të bëjnë një dush, të ushqehen, të flenë. Domethënë, gjithmonë është dushi pjesë e rutinës.
Ritjana Mala: Po, por tek fëmijët me problem të “dermatitit atopik” duhet të jenë…
Katerina Trungu: A, aty është dallimi kryesisht?
Ritjana Mala: Po. Tek këta pacientë duhet që dushet të mos jenë shumë frekuente sepse e thajnë lëkurën.
