Mira Murati është Drejtoresha e re Ekzekutive (CEO) e OpenAI pasi bordi i krijuesit të ChatGPT tha të premten se kishte shkarkuar CEO dhe bashkëthemelues Sam Altman.
Në një deklaratë, kompania tha se Murati është kualifikuar në mënyrë unike për këtë rol dhe “parashikon një tranzicion të pandërprerë ndërsa kryen një kërkim zyrtar për një CEO të përhershëm”.
OpenAI tha të Premten se “nuk ka më besim” në aftësinë e Altman për të vazhduar udhëheqjen e OpenAI dhe se largimi i tij pason një proces shqyrtimi konsultativ nga bordi.
Kush është Mira Murati, CEO e përkohshme e OpenAI?
Mira Murati, 34 vjeç, është ngritur në pozicionin e CEO-së së përkohshme të OpenAI së fundmi. E lindur në vitin 1988 në Shqipëri, Murati është një inxhiniere mekanike e trajnuar, e cila ndërtoi një makinë hibride garash si studente universitare në Kolegjin Dartmouth, sipas një raporti në New York Times. Në fillimet e saj, Murati punoi si praktikante në Goldman Sachs dhe më pas u transferua në Zodiac Aerospace.
Ajo iu bashkua OpenAI në 2018 pas një qëndrimi në Tesla ku luajti një rol kyç në zhvillimin e makinës Model X. Ajo gjithashtu punoi në një start up të quajtur Leap Motion që zhvilloi një sistem kompjuterik për të gjurmuar lëvizjet e duarve dhe gishtave. OpenAI e promovoi atë në rolin e CTO vitin e kaluar.
Murati tha se ajo ishte “e nderuar ” për të marrë rolin udhëheqës në kompani, sipas një memo që ajo i dërgoi stafit të rishikuar nga agjencia e lajmeve Bloomberg.
“Tani jemi në një moment vendimtar ku mjetet tona po miratohen gjerësisht, zhvilluesit po ndërtojnë në mënyrë aktive platformat tona dhe politikëbërësit po diskutojnë për mënyrat më të mira për të rregulluar këto sisteme,” shkroi Murati në memo.
Ky është përparim i mirëpritur dhe një mundësi për të marrë pjesë në një të ardhme ku AI ndërtohet dhe përdoret për mirë, tha ajo.
OpenAI është një kompani kërkimore dhe vendosjeje e AI e themeluar në vitin 2015. Ndërsa u themelua si një organizatë jofitimprurëse, në vitin 2019, OpenAI u ristrukturua për të siguruar që kompania të mund të rriste kapitalin në ndjekje të këtij misioni, duke ruajtur misionin e jofitimprurës, qeverisjen, dhe mbikëqyrje.
 e OpenAI pasi bordi i krijuesit të ChatGPT tha të premten se kishte shkarkuar){kind=link}