Autoritetet italiane kanë raportuar për një shpërthim të gripit të shpendëve H5N1 në një fermë në pjesën verilindore të vendit. Lajmi është konfirmuar edhe nga Organizata Botërore për Shëndetin e Kafshëve.
Nga ky virus kanë ngordhur deri më tani 10 zogj në një fermë shpendësh në Sant’Urban, në rajonin Veneto.
Shpërthimi i parë i H5N1 në sezonin 2023/24 është përhapur në një fermë me 20,000 gjela në Sant’Urban në provincën e Padovës, njoftoi Ministria italiane e Shëndetësisë.
Në njoftim thuhet se ky është rasti i parë i gripit të shpendëve në fermë, por pak ditë më parë janë konfirmuar edhe disa raste te shpendët e egër në provincën e Rovigos.
