Me uljen e temperaturave, shumë qytetarë janë prekur nga virozat e stinës dhe gripi. Kjo situatë, ka shtuar fluksin jo vetëm në urgjenca, por edhe në qendrat shëndetësore.
Mjeku Arben Xhuveli bën thirrje qytetarëve të bëjnë vaksinën e gripit.
Me dhjetëra qytetarë kërkojnë çdo ditë ndihmë mjekësore në qendrat shëndetësore të vendit, prekur nga gripi e virozat. Sidomos për të moshuarit dhe ata me sëmundje kronike, është e domosdoshme vaksina antigrip.
“Jemi në fushatën e vaksinimit sezonal për gripin. Si çdo vit, ka filluar edhe këtë vit që nga mesi i këtij muaji. Vijon dhe vaksinimi i COVID-19. Fushata është e përqendruar më shumë tek të sëmurët kronik. Gratë shtatzëna duhet ta bëjnë vaksinën e gripit. Edhe fëmijët që e kalojnë gripin rëndë duhet ta bëjnë vaksinën e gripit” tha mjeku Arben Xhuveli.
