Një video e rëndë u publikua ditën e djeshme, ku shihej një shqiponjë e cila mbahej e lidhur dhe e gjakosur në një gardh metalik, në fshatin Buhalit të Përmetit.
Video u publikua në rrjetet sociale nga një aktiviste për mbrojtjen e kafshëve, ku shihej shqiponja e kryqëzuar e gjallë me qëllim për ta balsamosur. Vetëm një ditë më vonë, mësohet se shqiponja nuk i ka mbijetuar dot plagëve dhe ka ngordhur me gjithë përpjekjet për t’i shpëtuar jetën në qendër veterinare. Ditën e djeshme pas denoncimit të rastit, specialistët e Agjencisë së Zonave të Mbrojtura dhe një veteriner i shkuan në ndihmë shpendit të plagosur, por nuk ia dolën t’i shpëtojnë jetën.
Ende nuk është bërë i ditur identiteti i autorit, i cili dyshohet se ka pasur për qëllim ta balsamoste shqiponjën.
