Bishti i përsosur është në gjendje të ndryshojë fytyrën dhe madje mund të japë një lloj efekti të përkohshëm lifting, deri në atë pikë sa konturet duket se ngrihen natyrshëm. Kurse bishti i mbledhur shumë poshtë, jep një pamje disi të trishtuar dhe modeste. Përkundrazi, kur kapet lart, ngjason me modelin e gjimnasteve dhe jep efekt tërheqjeje.
Gjithsesi, atyre që synojnë një model flokësh që përmirëson tiparet e tyre dhe është elegant në të njëjtën kohë, do t’ju mbetet vetëm të ndjekin rregullin e nofullës, si Jessica Parker në këto foto.
Rregulli i nofullës, çfarë është?
Sipas disa krijuesve në TikTok, bishti i përsosur përftohet duke ndjekur një vijë të vazhdueshme që nga mjekra takohet me nofullën dhe vazhdon drejt kokës, duke shkuar përtej veshëve dhe duke identifikuar kështu lartësinë e duhur për të rregulluar flokët. Nëse pika në fjalë ndryshon nga personi në person, në bazë të formës së fytyrës, efekti do të jetë i njëjtë, sepse do t’ju lejojë të krijoni modelin bazuar në karakteristikat e ndryshme të fytyrës.
Si ta bëni?
Mund të duket e lehtë, por në realitet nuk është aq e lehtë. Për të arritur një lartësi pa të meta, edhe kur është një bisht i thjeshtë, kërkon pak përgatitje dhe mbi të gjitha mjetet e duhura. Nëse floku është i sapolarë do t`ju duhen produkte që ul të gjitha qimet. Mund të jetë e dobishme të merrni xhel ose pomada specifike që do të aplikohen me ndihmën e një krehri ose një furçe me qime shumë të dendura. Për të kapur mirë flokët, përdorni llastiqe elastikë të butë, që përputhen me ngjyrën e flokëve, të afta për të garantuar kapje pa thyer fibrën e flokëve. Nëse preferoni që ato të jenë vërtet të padukshme, mjafton t’i mbështillni me ndihmën e një tufe flokësh, në mënyrë që të jenë njësh me pjesën tjetër të flokëve.
