Modelja e njohur shqiptare, Emina Çunmulaj e cila është zgjedhur anëtare e jurisë në Miss USA 2023, ka treguar disa detaje në lidhje me jetën e saj.
Përmes një postimi në ‘Instagram’, Emina shkruan se ka qenë kënaqësi e madhe për të që të ulet në pozicionin e gjyqtares për miss USA, pasi nuk e mendonte se një vajzë që është rritur në fermë do të zgjidhte gruan më të bukur në Amerikë.
Sakaq, për mes një video në Tik Tok, modelja ka dhënë një mesazh domethënës për vajzat shqiptare, teksa kujton fëmijërinë e saj kur 15-vjeç milte lopët ndërsa sot është në jurinë e miss SHBA.
Emina shprehet se ëndrrat mund të bëhen realitet për këdo, prandaj çdo vajzë le të ëndërrojë!
“Jam një vajzë nga një qytet i vogël, një vajzë shqiptare në një fermë të vogël, që milte lopët derisa isha 15 vjeç. Dhe sot jam ulur në jurinë e Miss SHBA. Prandaj e di çfarë? Ëndërro vajzë e vogël, sepse do të të plotësohet edhe ty ëndrra. Po e bëj këtë për vete dhe për çdo vajzë shqiptare”, shprehet modelja.
