Në 10 vitet e fundit ka një reduktim të frikshëm të numrit të nxënësve në shkolla. Në vitin shkollor 2012-2013 në arsimin bazë, të mesëm dhe atë profesional sipas INSTAT ishin mbi 572 mijë nxënës.
Në vitin shkollor 2021-2022 ishin 381 mijë nxënës, pra ka një diferencë me mbi 190 mijë nxënës. Reduktimi i numrit të nxënësve, por edhe niveli i lartë i braktisjes së shkollës, sipas ekspertëve ka faktor kryesor emigrimin.
Shqipëria po bën hapa mbrapa sa si përket frekuentimit të arsimimit të detyruar 9-vjeçar pasi braktisja e shkollës ka arritur në nivele alarmante.
Të dhënat e INSTAT tregojnë së për vitin 2022, u regjistruan në arsimin bazë 9-vjeçar, 92% e nxënësve të grupmoshës 6-14 vjeç, duke u ulur me 4.5% në krahasim me vitin 2017, më e theksuar braktisja e arsimit të detyruar është te vajzat.
Dudiana Lela: Naim Frashëri ka thënë se edukimi nis nga nëna. Kjo është alarmante se vajzat do jenë nënat e ardhshme.
Braktisja e shkollës nga vajzat ka arritur në nivele historike, pasi të regjistruar në shkollën 9-vjeçare janë vetëm 89.5% e tyre. Ndërkohë që ligji përcakton se arsimi bazë është i detyrueshëm për të gjithë fëmijët nga mosha gjashtë vjeç deri në moshën gjashtëmbëdhjetë vjeç.
