Mesnatën e së shtunës, duke hyrë e diela e 26 marsit, kthehet ora verore me akrepat e orës që lëvizin 60 minuta përpara. Ky ndryshim do të thotë zgjim më herët, dhe dita do na duket më e gjatë.
Sipas disa studiuesve, thuhet se koha verore sjell përfitime për shëndetin tonë, sepse është më në sinkron me orën tonë biologjike, e cila ka nevojë për errësirë gjatë orëve të mbrëmjes, për të prodhuar melatoninë dhe për të siguruar pushimin e duhur.
Prej dekadash, vendet e Bashkimit Evropian aplikojnë dy orë, atë të dimrit, që nis të dielën e fundit të tetorit dhe orën verore që kthehet të dielën e fundit të marsit.
