Në përmbledhjen për parashikimin javor të horoskopit, astrologia Krisanthi Kallojeri thotë se theksi kryesor është shëndeti dhe paratë.
Sipas astrologes, një gjendje gripale është më e pranishme këtë javë dhe sidomos helmimet e alergjitë. Sa i përket parave, duhet patur kujdes sepse është momenti që përfitojnë personat që nuk ndjekin rrugë të pastra.
Krisanthi Kallojeri: Nuk e di në qoftë se e dëgjuat Silicon Valley Bank dhe na solli ato kujtimet e Lehman Brothers në 2008. Thamë që Marsi është muaj i rëndësishëm sepse pasojat e kësaj situate ekonomike do t’i shohim dhe do t’i përjetojmë më vonë dhe do vijnë edhe ngjarje të tilla.
Të themi që kjo java është një vazhdim i javës së kaluar, por bëhet akoma dhe më e theksuar situata, veçanërisht të enjten dhe të premten. Kemi një javë ku klima që thamë herën e kaluar mos hani sapunin për djathë bëhet më e theksuar dhe paralelisht këtë javë duhet të përqendrohemi te shëndeti. Mund të kemi një gjendje virale më të theksuar se herët e tjera, mikrobe të ndryshme, të thonë që qarkullon një grip i ri ose diçka tjetër.
E dyta, kujdes me përdorimin e ilaçeve sepse kemi më të theksuar tendencën për alergji. E treta, mos hani e pini në vende që nuk jeni të sigurtë që gjërat nuk janë të pastra, ka tendencë për helmime të vogla. Mos besoni çfarë dëgjoni e çfarë ju thonë, mbani një shportë të vogël në ato që ju premtojnë dhe kujdes me sferën financiare.
Është momenti që nxjerrin lekë dhe fitojnë ata që spekulojnë, ata që merren me gjëra jo të pastra. Mos u implikoni në situata që nesër mund të gjendeni të ekspozuar. Nuk përjashtohet mundësia të kemi paralelisht dhe skandale të tjera që mund të dalin në sipërfaqe.
