Qarkullimi i disa viruseve të rrugëve të frymëmarrjes njëkohësisht po i përball mjekët me fuks të shtuar pacientësh. Më të vegjlit janë ata që po shfaqin më shumë shqetësime dhe komplikacione.
Temperatura e lartë që zgjat disa ditë shoqëruar me ethe lodhje, por dhe probleme të sistemit tretës bën që shumë prindër të kërkojnë ndihmën e mjekëve në Pediatrinë e Qendrës Spitalore Universitare “Nënë Tereza”.
Për të ulur fluksin e lartë të pacientëve atje katër qendra shëndetësore në Tiranë ofrojnë shërbim 24 orë për pacientët e vegjël.
Ekspertët e Institutit të Shëndetit Publik presin rritje të mëtejshme të të prekurve nga virozat respiratore. Kulmi i infektimeve parashikohet në fund të janarit.
