Argjentina është kampione e botës në futboll. Në finalen 120 minutëshe, Argjentina ka mposhtur Francën. Finalja e Kupës së Botës në Katar është vendosur me penallti.
Messi u pa shumë i gëzuar, e gëzimin e ndau edhe me nënën e tij. Në Twitter janë publikuar pamje të festës së tij me nënë, Celia María Cuccittini.
Argjentinasit kanë fituar 4:2 me penallti. Koha e rregullt dhe vazhdimet nuk kanë dhënë fitues (3:3).
Për Argjentinën është titull i tretë i botës. Kështu Lionel Messi e kompleton karrierën e madhe me çmimin më të madh të mundshëm në futboll.
Seria e penalltive ishte dramatike, si e gjithë ndeshja. Kylian Mbappe shënoi për epërsinë e Francës.
