Papa Françesku mori si dhuratë një palë atlete të personalizuara. Mbase dhurata më e çuditshme që i është bërë ndonjëherë.
Dhuratën ia bëri At Jim Sichko bashkë me emrin e personalizuar në pjesën e pasme.
Sichko ishte duke vizituar Vatikanin, ai nuk donte të kalonte pa u vënë re dhe nuk donte t’i bënte Papës një dhuratë të zakonshme, kështu që u përpoq të mendonte se çfarë mund të ishte ndryshe dhe ia doli.
Pasi i lindi ideja, At Sicho kontaktoi dizajnerët e True Blue Color, të cilët ishin shumë nervozë, por edhe të lumtur, sepse kishin një porosi shumë të veçantë në duart e tyre.
Rezultati i përfunduar janë atletet Nike Blazer Mid 77′ Vintage të lyera me ngjyrë të bardhë dhe të verdhë/artë, të njëjtat ngjyra si flamuri i Papës dhe një portret i detajuar i stemës së tij i shfaqur tek anët.
Pasi përfunduan u futën në një kuti këpucësh prej druri të bërë po me porosi.
True Blue Color iu deshën vetëm 10 orë për të dizajnuar kutinë, ata thanë se ishte një komision shumë i veçantë për ta, dhe megjithëse i kanë personalizuar atletet e disa yjeve, ky projekt është padyshim ai për të cilin ata janë më të emocionuar se asnjëherë.
