Elon Musk është personazhi publik më i ri që ka hyrë në biznesin e parfumeve. Por ashtu si çdo veprim apo sipërmarrje e tij, edhe kjo e fundit është disi e pazakontë.
Parfumi quhet “Burnt Hair” ose “Flokë të djegura”. Boring Company, kompania me të cilën Elon ka bashkëpunuar për prodhimin e quan “esenca e aromës së neveritshme”, ndërsa vetë miliarderi e konsideron “fragranca më e mirë në Tokë”.
Ditën e djeshme, Musk postoi në Twitter: “Me një emër si imi, hyrja në biznesin e parfumeve ishte e pashmangshme, pse isha kundër për kaq gjatë madje?” 5000 shishe u shitën vetëm pak orë pas këtij postimi.
Biznesmeni e quan “parfum për çdo gjini”, teksa i ka nxitur ndjekësit të blejnë produktin në mënyrë që ai të mundet të blejë platformën Twitter.
Gjatë ditës së sotme, parfumi ka arritur në mbi 10 mijë shishe të shitura. Të gjitha do të shpërndahen te blerësit në vitin 2023, ndërsa çmimi është 100 Dollarë.
