Kriza energjetike ka prekur shumë vende dhe qeveritë po ndërmarrin nisma të ndryshme për kursimin e saj.
Simonetta Sommaruga, Ministrja e Energjisë dhe Mjedisit në Zvicër iu ka sugjeruar çifteve të reja që të lahen bashkë për të minimizuar konsumin e energjisë këtë dimër dhe për të shmangur shkurtimet e energjisë.
Ministrja 62-vjeçare i ka udhëzuar njerëzit që të fikin kompjuterët e tyre kur nuk i përdorin, të fikin dritat kur s’kanë nevojë për to dhe të bëjnë dush së bashku.
Autoritetet në Zvicër, të cilat importojnë benzinën nga Gjermania, deklaruan në gusht se ata synojnë të minimizojnë konsumin e energjisë nga tetori 2022 deri në mesin e marsit 2023.
Autoritetet kanë ndërmarrë edhe një fushatë të titulluar “Energjia është e kufizuar. Le të mos e shpërdorojmë atë”. Kjo fushatë synon shmangien e mungesës së energjisë gjatë dimrit përmes përdorimit të pakët të ujit, fikjes së pajisjeve elektrike dhe dritave të shtëpisë kur ato nuk janë në përdorim dhe reduktimit të temperaturave të ngrohjes.
