Rita Ora do të mbajë këtë të martë koncertin e shumëpritur nga dashamirësit e muzikës në zemër të Tiranës. Këngëtarja e njohur ndërkombëtarisht do të performojë hitet më të njohura të saj. Në koncert ka zgjedhur të ngjiten më të edhe artistet e njohura shqiptare për të dhënë një mesazh teksa e përlotur sjell në vëmendje rastin e abuzimit në Kosovë.
“Ju kërkoj ndjesë sepse mund të jem emocionale, por dua të flas për ngjarjen traumatike që ndodhi në Kosovë. Është e rëndësishme që të kemi njohuri se si t’i rrisim fëmijët dhe t’i japim atyre një shans se si të respektojnë gratë dhe t’i trajtojnë të barabarta.”
Nëse do të donte të kishte një bashkëpunim me Dua Lipën, Bebe Rexhen dhe Ava Max, Rita përgjigjet kështu:
“Është një ëndërr që një ditë të bëhemi bashkë në kohën e duhur për të bërë diçka të rëndësishme dhe me ndikim. Të gjithë e kemi axhendën e zënë, por kur të jetë momenti i duhur më llogarisni.”
Ky koncert, i treti për Orën në Tiranë, realizohet në kuadër të javës kulturore britanike.
“Kjo është një javë fantastike sepse festojmë 100 vjetorin e marrëdhënieve me Britaninë, një aleat i jonë që nga Lufta e Dytë Botërore. Një vend që i ka pritur shqiptarët”.
Këngëtarja tha se po punon mbi një projekt kinematografik dhe mbi albumin e ri që do të publikojë fillim vitin e ardhshëm, teksa sot pret të rinjtë dhe të rejat t’i bashkohen në koncertin që është falas për publikun.
