Me siguri që keni dëgjuar se pozicioni i hënës, i yjeve, drejtimi i erës apo edhe koha e ngjizjes mund t’ju ndihmojë në përcaktimin e gjinisë së bebit? Këto janë thjesht “përralla gjyshesh” dhe praktikisht nuk ka asgjë të vërtetuar rreth tyre. Por a keni dëgjuar se nëse konsumoni banane para shtatzanisë rriten më shumë mundësitë që të lindni djalë? Ndoshta mendoni se edhe kjo, si të gjitha pretendimet e tjera është një mit, por në fakt ky pretendim e ka një bazë të vërtetë.
Sipas një studimi të publikuar kohët e fundit në “The Royal Society” dieta e nënës përpara ngjizjes së një fëmije ka potencialin të ndikojë në gjininë e bebit të ngjizur. Por jo gjithçka që ju do të hani do të rrisë shanset për të ngjizur një djalë.
Për të rritur më shumë mundësitë duhet dieta juaj të jetë e pasur me kalium dhe sigurisht që nuk keni shumë nevojë të bëni kërkime në internet për të gjetur ushqimet e pasura me kalium pasi banania është fruti që ka përqindjen më të lartë të kaliumit krahasuar me ushqimet e tjera.
Studimi analizoi dietën e 740 grave në Britani. Në fillim studiuesit mendonin se dieta e nënës nuk kishte lidhje me gjininë e bebit, por më vonë gjatë studimit të tyre ata zbuluan se gratë që kishin konsumuar sasi më të larta kaliumi gjatë periudhës së ngjizjes, kishin lindur më shumë djem krahasuar me ato qëkishin konsumuar më pak kalium.
Gjatë vazhdimit të mëtejshëm të studimit ata vunë re se edhe konsumimi i drithërave në mëngjes, e rriste mundësinë e nënës për të ngjizur një djalë. Pra nëse po kërkoni të lindni një djalë, një tas me drithëra dhe një banane në mëngjes, do të rrisë në mënyrë domethënëse mundësitë tuaja. Megjithatë dieta nuk është faktori i vetëm që ndikon në gjininë e bebit. Historia e familjes dhe koha e ovulacionit janë vetëm dy nga shumë faktorët e shumtë që luajnë një rol të rëndësishëm gjithashtu.
