Boksieri shqiptar Florian Marku do të ndeshet më 25 gusht në stadiumin “Air Albania” në duelin e shumëpritur përballë rivalit meksikan, Miguel Parra Ramirez.
Në konferencën për shtyp 29-vjeçari lushnjar u shpreh do të japë shpirtin në këtë përballje te vlefshme për titullin WBC Silver.
Ndërsa, boksieri meksikan shfaqi qetësi dhe u shpreh i sigurt në suksesin e tij kundër boksierit kuqezi.
“Ndihem i privilegjuar qe jam në Shqipëri .Kjo do të jetë një ndeshje e rëndësishme përballë Markut. Siç e dini të gjithë ne meksikanët jemi shumë të fortë dhe kjo do të shihet më 25 gusht”, u shpreh boksieri Miguel Parra Ramirez.
Të mërkurën në orën 13:00 në sheshin “Skënderbej” do të bëhet peshimi përfundimtar i boksierëve.
Florian Marku mban aktualisht titullin IBF International pas suksesit të fundit në muajit prill kundër britanikut Kris Xhenkins.
Ndërsa rivali i tij, Miguel Parro Ramirez regjistron 21 fitore dhe 2 humbje në boksin profesionist.
