Dy motrat e Florind Belliut kanë hapur një adresë në “Gofundme”, në të cilën kanë kërkuar që të mbledhin para me qëllim që të marrin kujdestarinë e fëmijëve të mbetur jetim.
Shuma që kërkojnë të mbledhin është 50 mijë dollarë, e ndërsa deri më tani kanë arritur që të mbledhin mbi 30 mijë dollarë.
“Jam e sigurtë që të gjithë jemi në dijeni se çfarë ndodhi me prindërit e Schëibe dhe Rayan. Florind Belliu dhe Ornela Shehi u hodhën nga kati i gjashtë i apartamentit ku jetonin. Familjarët janë të dërrmuar dhe të gjithë na ka vrarë kjo tragjedi. Ata lanë mbrapa 2 fëmijë kaq të bukur që ju shemb bota. Fëmijët kanë vetëm 2 halla këtu. Ne nuk mund t’jua rikthejmë prindërit, por ju lutem t’i ndihmojmë t’i rrisin këta 2 ëngjëj të mos ju mungojë gjë dhe të marrim kujdestarinë e fëmijëve”- shkruhet në faqen “Gofundme”.
Kujtojmë se 35-vjeçari, Belliu hodhi nga ballkoni i shtëpisë së tij bashkëshorten e më pas i dha fund jetës duke u hedhur dhe vetë. Sipas familjarëve të të ndjerës bashkëshorti i saj kishte kohë që vuante nga probleme te shëndetit mendor dhe prej kohësh ia kishte bërë shumë të vështirë jetën Ornelës.
