Është njoftuar shtyrja e afatit të regjistrimeve për në klasat e para dhe të dhjeta.
Afatet ishin parashikuar:
Për klasat e para 4 – 17 korrik.
Për klasat e dhjeta 12 – 24 korrik.
Duke qenë se e-albania u mbyll ditën e djeshme si pasojë e një sulmi kibernetik, afati i regjistrimeve (që po kryheshin vetëm online) është shtyrë deri në një kohë të pacaktuar.
“Për shkak të sulmit kibernetik ndaj platformës e-Albania, e cila ndikon edhe procesin e regjistrimit për nxënësit në klasa të para dhe të dhjeta, kemi vendosur që afatin e regjistrimeve ta shtyjmë deri në një datë të pacaktuar.
Dëshiroj të garantoj prindërit dhe nxënësit se kjo ndërprerje nuk do të ndikojë aspak në procesin e regjistrimit, dhe se çdo nxënës do të ketë mbështetjen tonë të nevojshme deri në finalizimin e procesit. Në vijim do t’ju informojmë përsëri për rihapjen e aplikimeve dhe afatet e reja të regjistrimit”, shkruan ministrja Kushi.
