Nënvarianti i Omicron Ba5 që po dominon në Shqipëri rezulton të jetë më agresiv. Mjekët thonë se ai përhapet më shpejtë ndërsa simptomat zgjasin më tepër. Po ashtu BA5 ka shtuar në masë edhe riinfektimet.
Mes personave që javët e fundit po rezultojnë pozitiv me Covid-19 ka edhe shumë të riinfektuar.
Drejtorja e Qendrës Shëndetësore numër tre në Tiranë, Bruna Shiroka thotë se janë të pavaksunarit ata që po përhapin në masë virusin.
Bruna Shiroka: Krahas atyre që janë të pavaksinuar kemi dhe rastet e riinfektimeve në pasient që janë vaksinuar por për fat të keq nga mundësia e ekzistenbcës së personave që ende nuk kanë vendosur të vaksinohen kanë mundësi të riinfektohen. Dhe këto bëjnë dominancën e ditës.
Të gjitha grupmoshat janë të prekura por infektimet më të larta vërehen te të rinjtë.
Bruna Shiroka: Numri vazhdon të jetë në rritje. Të infektuarit janë nga të gjitha grupmoshat. Janë moshat e reja me predominancë dhe ato të pavaksinuarit. Po bëhen mundësi dhe burim infeksioni dhe për pjesën tjetër të popullatës që kanë marrë 3 apo 4 vaksina.
Nënvarianti i Omicron, Ba5 rezulton të jetë më agresiv. Transmetohet shumë më shpejtë ndërsa sipmtomat zgjasin më tepër.
Bruna Shiroka: Ishim mësau të shikonim një formë Omicron me simtomatologji të shkurtër, në ditë të shkurtuara dhe të lehtë. Tani po shohim, raste të cilat kanë nivel intensiteti mesatar relativisht të lartë. Një subjekt që zgjat temperatura mbi 50 i cili mund të shprehi shfaqjen e komplikimeve edhe në javën e parë të infektimit mendoj që është një subjekt që nuk kalon në formë të lehtë të Covid.
Për të frenuar përhapjen e mëtejshme të virusit por edhe për t`u mbrojtur prej tij mjekët bëjnë thirrje për vaksinim.
Në Shqipëri sipas të dhënave të autoriteteve shëndetësore rezultojnë me covid mbi 9 mijë persona. Pavarësisht rasteve në rritje në spitale gjendja mbetet ende nën kontroll. Të shtruar dhe nën kujdesin e mjekëve gjenden 32 pacientë.
