Ambasada amerikane në Tiranë ka një ftesë për nxënësit e shkollave të mesme që duan të studiojnë në SHBA.
Në një postim në rrjetet sociale, ambasada e SHBA-së fton nxënësit të marrin pjesë në kampin treditor që Qendra për Arsimin Amerikan në Shqipëri do të organizojë në shtator për herë të parë, ku mund të mësojnë hapat e aplikimit në universitetet dhe kolegjet amerikane.
“Jeni nxënës në shkollë të mesme dhe dëshironi të studioni në Shtetet e Bashkuara por nuk dini nga t’ia filloni? Merrni pjesë në kampin tre ditor që Qendra për Arsimin Amerikan në Shqipëri do të organizojë në shtator për herë të parë. Do të mësoni të gjithë hapat e aplikimit në universitetet dhe kolegjet amerikane nga përfaqësues të institucioneve të arsimit të lartë në Shtetet e Bashkuara dhe ekspertë të fushës. Regjistrohuni pa pagesë duke klikuar këtu ???? https://bit.ly/3ua9AoZ
Afati i fundit për të aplikuar është 30 gusht 2022”, shkruan ambasada e SHBA.
