Superhëna e 13 korrikut njihet si ‘Buck Moon’, sepse e ka marrë emrin nga brirët e drerit që formohen rreth kësaj periudhe të vitit.
‘Buck Moon’ është hëna më e madhe e vitit. Korriku po na jep një arsye tjetër për të drejtuar sytë nga qielli. Spektakli qiellor nuk duhet humbur, sepse sateliti natyror pritet të arrijë pikën e tij më të afërt me Tokën.
Për shkak të afërsisë së saj me planetin tonë, rruzulli i madh i ndritshëm është etiketuar si një superhënë dhe do të orbitojë më afër Tokës në krahasim me çdo hënë tjetër të plotë këtë vit. Pjesa më e bukur? Nuk nevojiten dylbi apo teleskopë për të parë këtë fenomen fantastik! Mjaftojnë sytë e lirë të drejtuar drejt qiellit.
‘Buck Moon’ e korrikut vjen pas ‘Strawberry Moon’, e cila arriti kulmin më 14 qershor. Ajo hënë e plotë përkoi gjithashtu me një superhënë, duke shënuar të dytën e vitit 2022.
Çfarë duhet të bësh kur është Hëna e Plotë?
Shumë njerëz nuk e dinë që energjia e Hënës së plotë zgjat gjithsej 5 ditë; 2 ditë para, 2 ditë pas dhe gjatë gjithë ditës kur është Hëna e Plotë.
Ja çfarë duhet të bësh gjatë kohës që energjia e Hënës së Plotë të ‘sulmon’:
Përthithe dritën e Hënës
E dije se lëkura është përthithëse e mirë e dritës së Hënës, ashtu siç është edhe për rrezet e Diellit? Po, është e vërtetë. Ashtu siç përthith rrezet e Diellit pa kursim, lëkura thith në të njëjtën mënyrë edhe dritën e Hënës. Ashtu si Dielli shpërndan vitaminën D, Hëna shpërndan energjinë e saj, e cila në natyrë të ndihmon të gjesh qetësi dhe të jep një masazh terapeutik. Në shumë hotele luksoze në botë, masazhet terapeutike bëhen nën dritën e Hënës, sepse trupi rikuperohet më shpejt.
Mendohet se tërheqja satelitore e Tokës ka një fuqi mahnitëse, por ajo ka shumë pak ndikim në rritjen e organizmave në planetin tonë. Shumë njerëz besojnë se fuqia dhe energjia e Hënës është e jashtëzakonshme. Fermerët ndjekin lëvizjet e Hënës për të mbjellat e tyre. Zakonisht, kur është Hëna e Plotë, ata fillojnë ciklin e bimëve dhe jo vetëm ata. Edhe parukieret po e ndjekin këtë gjë. Nëse do që flokët t’i kesh më të fortë, më të shëndetshëm dhe të rriten më shpejt, atëherë priti kur Hëna është e Plotë.
Në Tajlandë, sa herë është Hëna e Plotë, njerëzit dalin jashtë dhe festojnë rreth e rrotull saj duke ndezur zjarr në natyrë. Ata besojnë se energjia që shpërndan Hëna është shumë e madhe dhe ka ndikim në jetën e tyre. Festat nën dritën e plotë të Hënës janë të zakonshme edhe në vende të tjera. Flokët lëshuar dhe argëtim deri në orët e para të mëngjesit. Ashtu si fazat e Hënës, edhe njeriu ka ditët e tij, me ulje-ngritje. Në fund të fundit, të gjithë janë pak të çmendur si Hëna.
Nëse një pjesë nga ju banojnë në zona malore, ku ka më mirë se Hëna e Plotë për të bërë një shëtitje në shpatet më të larta? Për djegien e kalorive, këshillohet një natë e tillë. Të gjithë sportistët që e kanë provuar, të bindin se rrezet e argjendta të Hënës dhe energjia e saj të japin energji për t’u ngjitur edhe më lart dhe të provosh një adrenalinë të jashtëzakonshme. Turistë nga e gjithë bota kërkojnë të vizitojnë terrene të larta malore, në mënyrë që të shijojnë dhe të marrin energjinë e Hënës së Plotë.
Ndrysho mobiliet në shtëpi
Ndërsa jeni mendërisht të ngarkuar nga emocionet e Hënës, astrologët rekomandojnë që ditët e Hënës së Plotë të ndryshoni mobilimin në shtëpi. Konsideroni një provë Feng Shui në hapësirën tuaj për të rritur hapësirat e shtëpisë.
“Pastroni trupin duke mbushur një vaskë me ujë me kripë”,- thotë Theodora, astrologe. Gjatë Hënës së Plotë, mineralet qetësuese do të absorbohen në mënyrë optimale në trup. Bëni maksimumin për të përfituar nga kjo zhvedosje energjike dhe thithni energji të mirë nga vaska.
Fli nën dritën e Hënës
Duke shijuar bukuritë e natyrës, planifikoni një udhëtim në kamp, nën yje. Paketoni disa gjëra të vogla dhe ndizni zjarr. Notoni në mesnatë. Pastaj edhe argëtohuni duke shijuar dritën e plotë të Hënës.
“Pini shumë ujë”, – thotë Theodora. “Hani perime dhe ushqime që përmbajnë sasi të lartë uji, si lakra.” Ushqimet me shumë ujë ndihmojë trupin të detoksikohet dhe e bëjnë procesin e tretjes së ushqimeve shumë më të thjeshtë.
