33 mijë maturantë në të gjithë vendin do t’i nënshtrohen ditën e sotme provimit të dytë të Maturës Shtetërore, në lëndën e Matematikës.
Provimi do të nisë në orën 10:00 dhe përfundon në orën 12:30. Përgjatë dy orë e gjysmë maturantët do t’ju përgjigjen pyetjeve, të cilat janë të renditura sipas nivelit të vështirësisë, duke i krijuar kështu mundësinë çdo nxënësi të përmbushë objektivat e tij. Maturantëve u duhet të grumbullojnë 25% të pikëve për të kaluar këtë test.
Maturantët kanë zhvilluar më herët provimin e Gjuhës së Huaj dhe atë të Gjuhës Shqipe e Letërsisë, ndërsa më 24 qershor do të zhvillojnë provimin për lëndët me zgjedhje.
