Beatrix Ramosaj ka reaguar në mënyrë publike në lidhje me ngjarjet që ndodhën në jetën e saj fill pas Big Brother Vip. Gjatë një interviste, këngëtarja ka treguar se periudhën post BBV, nuk e ka pasur të lehtë ta kalojë. Por e quan veten “me fat” pasi është e rrethuar vetëm me njerëz të mirë.
Momentalisht ndihem me të vërtetë shumë në formë, e frymëzuar, shumë e qetë, shumë pozitive. Më është dashur patjetër kohë që të rigjeja veten sepse eksperienca që kam kaluar nuk ka qenë aq e lehtë jo vetëm për mua por edhe për të gjithë konkurrentët e tjerë. Është një lloj presioni që nuk mund të kalohet lehtë, njerëz me mish e gjak jemi. Kur vjen puna tek gjërat që të përfshijnë emocionalisht je i mbyllur patjetër. Kam qenë shumë më fat që kam shumë njerëz të mirë që më rrethojnë, jam e rrethuar me dashuri. Jam munduar ta mbaj veten të angazhuar me projektet e reja.
Ndërkohë pyetje se a është penduar për ndonjë gjë në BBV, Beatrix tha:
Nuk jam pishman. Fare nuk jam, çdo gjë që e bëj nëse e kam ndier në moment…. Nuk ka asgjë për të qenë pishman nëse do e ktheja kohën pas e vetmja gjë që do i thoja vetes time do ishte që të mos kisha aq shumë frikë, ndoshta ta shijoja më shumë atë eksperiencë.
Dhe pyetjes më tē përfolur të momentit, ribashkimit të Borës me “ish të dashurin e saj” Donald Veshaj, Beatrix u përgjigj:
Është një pyetje që po ma bëjnë të gjithë. Nëse ata kanë gjetur lumturinë atëherë edhe unë i ua uroj.
